Himno a Cristo Rey

Himno a Cristo Rey

Dominus Noster Iesus Christus Universorum Rex

Vesperhymne: Te Saeculorum Principem

Sung by the community - the Daughters of Mary, Mother our Savior

TE SAECULORUM PRINCIPEM

Te saeculórum Príncipem
Te, Christe, Regem gentium,
Te mentium, te cordium
Unum fatemur arbitrum.

Scelesta turba clamitat:
"Regnare Christum nolumus".
Te nos ovantes omnium
Regem supremum dicimus.

O Christe, Princeps Pacifer!
Mentes rebelles subjice:
Tuoque amore devios,
Ovile in unum congrega.

Ad hoc cruenta ab arbore
Pendes apertis brachiis,
Diraque fossum cuspide,
Cor igne flagrans exhibes.

Ad hoc in aris abderis
Vini dapisque imagine,
Fundens salutem filiis
Transverberato pectore.

Te nationum Praesides
Honore tollant publico,
Colant magistri, judices,
Leges et artes exprimant.

Submissa regum fulgeant
Tibi dicata insignia:
Mitique sceptro patriam
Domosque subde civium.

Jesu, tibi sit gloria,
Qui sceptra mundi temperas,
Cum Pater, et almo Spiritu,
In sempiterna saecula. Amen

Multiplicabitur ejus imperium.
R. Et pacis non erit finis.